اللى الواد بيحبه فى البنت واللى البنت عايزاه يكون فى الواد

اللى الواد بيحبه فى البنت واللى البنت عايزاه يكون فى الواد

هابدأ باللي البنات بيحبوه مركزين طبعا !
بص ياسيدى اكتر حاجة البنت تحبها انك تقولها بحبك دى اكتر حاجة بتأثر فيها يعنى مش تقول ماأنا قلتها لها من يومين على قد ماتقدر قولها لها لو كل يوم قولها لها

تانى حاجة هتستغرب منها شوية بس معظم البنات بيحبوها وهى انك تبقى مجنون معاها مش بتشد فى شعرك يعنى قصدي أنها تعيش معاك لحظة مجنونة عارف احمد السقا فى افريكانوا لما رمى نفسه وقالها بحبك اهو ده اللى أنا قصدي عليه بس مش ترمى نفسك يعنى هههههه

تالت حاجة واللى معظمكوا بيغلط فيها اوعى تكلمها وانت واقف مع صحابك لان ده أوقات بيضايقها لأنها ممكن تكون عايزة كلامكوا سر بينكم و هى طبعا مش مبطلة حكاوى عنك ههههههههه
بس برده مافيش بنت بتحب كلامها معاك يوصل للشباب بالذات خلى بالك

رابع حاجة أنت كنت لسه بتقابلها ولسه سايباك مافيش 10 دقايق كلمها قلها وحشتينى هاموت وأشوفك وانت طبعا لما صدقت هههههه بس برده كلمها

وانت بتكلمها اوعى تنزل عينك من على عينها هى هتبقى هتموت من الكسوف اكيد بس برده خليك باصص لعنيها وهى بتكلمك ووانت بتكلمها
حاول لو فى حاجة أول واحدة تاخد رأيها هى عشان تحس باهتمامك بيها وان رأيها يهمك

أى بنت بتحب اللى بتحبه يكون بيغير عليها بس مش الغيرة اللى تخنق حسسها انك بتغير عليها يعنى هتخرج قولها بلاش تتأخرى وقفت كلمت حد من زمايلها فى الكلية قلها بلاش تزودى فى كلامك معاهم كده يعنى حسسها انك خايف عليها

لو زعلت منك وانت غلطان اوعى تسكت افضل وراها صدقنى لو قالتلك سيبنى هى عايزاك تتكلم وتكمل وتتحايل عليها اكتر علشان تحس انك خايف على زعلها وافضل ابعتلعا فى مسجات تقولها انك مش كنت تقصد وانك بتحبها وخليك وراها لكن لو مش انت اللى غلطان اتقل شوية بس مش تتقل اوى يعنى اخرك يوم واقل كمان علشان هى ممكن تفتكرك لما صدقت

حاول تخلى لحظاتك معاها رومانسة باى طريقة يعنى تديها ورده تعمل اى حاجة بس تخلى مقابلتك معاها مش تتنسى

افضل وراها لغاية ماتقلك بحبك لو مش كانت بتقلهالك كتير بس مش تكتر اوى علشان البنات بيتكسفوا من الكلمة دى موووووووت يعنى من الاخر مرة قفل وقلها انا عايز اسمعها منك

يوم عيد ميلادها الساعة 12 ودقيقة تكون باعتلها تقولها كل سنة وانتى طيبة

وانت بتكلمها فى مرة قلها عايز اسمعك حاجة وشغلها اغنية وقولها دى بتعبر عن اللى جوايا واطلب منها انها هى كمان تسمعك اغنية توصف اللى هى حاسة بيه من ناحيتك هى كمان
مش فاكر دلوقتى الباقى بس علشان ادى البنات هما كمان حقهم

على طول واخيرا حاول تقنعها انها تتدخل على النت وتفتح منتدى pioneer

اللى الواد بيحبه فى البنت واللى البنت عايزاه يكون فى الواد

تعالوا بقى ياقمامير يالى موديين شباب الدنيا فى داهية الواد بيحبك ومتنيل على عينه صح ؟

اعرفي بقى تعامليه ازاى اكيد مش اعرف اقلك كل حاجة لان فى حاجات انتى اللى تعرفيها منه يعنى هو بيحب أيه وبيكره ايه لازم على قد ماتقدرى تحاولى تحبى اللى بيحبه وتخففى من اللى بيكرهه

قالك عايز يسمع منك كلمة بحبك اتقلى عليه شوية واتدلعى بس اوعى ماتقوليهالوش

لو لقيتيه عمل حاجة دايقتك اوى ازعلى منه بس بلاش تتقلى أوى عليه لما ييجى يصالحك الا لو كانت تستاهل الزعل بجد
لو جت عينك فى عينه وانتوا مش قريبين من بعض يعنى هو مثلا قاعد مع صحابه وانتى قاعدة مع صحباتك ابتسمي له ابتسامه تحسسه انه واحشك

حاولى متزعليش من اقلها حاجة وخصوصا من موضوع البنات مش تخنقى عليه أوى لو لقيتيه بيكلم واحده مثلا زيميلته فى الكلية فى بنات ايه ده انت واقف مع واحدة غيرى لااا لا لا وتعمليها مشكلة وانت مابتحبينش بلاش بالمعنى الأصح انتى كمان الغيرة اللى تخنق دى معظم الولاد بيتخنقوا بسرعة

حاولى تحسسيه انه أهم حاجة عندك فى حياتك وتراعى مشاعره فى كل كلامك يعنى اوعى تتريقى عليه أو تتكلمي على عيب فيه بتعمق لأنه حتى لو ماكانش مبينلك انه متدايق هيكون بيغلى من جواه لأ نك شايفة فيه عيب
حاولى على قد ماتقدرى نازلة كلميه قوليله أن فلانة صاحبتى عايزانى انزل معاها انزل؟؟؟؟

آل يعنى بتستأذنيه وانتى عارفة انه مش هيقلك لأ بس تحسسيه انه رايه هو الأول ولو مرة قالك لا اقعدى ممكن يكون بيختبرك يعنى قبل ماتعملى أى خطوة فى حياتك حاولى تعرفيه

اعرفى ان الشاب غيرك ممكن لما يكون متنرفز يقول حاجة تضايقك ساعتها مش تتخلى عنه وتزعلى وهو فى حالته دى خليكى جمبه حتى لو قال حاجة دايقتك وبعد ماالموضوع يعدى ويبقى معاكى اتدلعى آل يعنى زعلانة بس برده مش تزوديها وتكونى انتى عازراه من جواكى

اخر حاجة بقى عشان أنا ايدى وجعتنى لما يكون مبسوط وانتى متدايقه حاولى حتى لو متضايقة تدارى ده وتعيشى معاه الجو اللى هو عايشه ولو عنده مشكلة تحليها معاه مش يبقى هو متنكد وانتى تيجى تفرجيه على صور الرحلة اللى كنتى لسة فيها وانتى عماله تضحكي
عيشي معاه اللحظة يعنى
وأخيراً حاولى تقنعيه دايماً أنه يدخل ع النت ويشغل منتدى ياستاذ محمد عبداسلام على طوول
بس كده بس فيه حاجات تانية كتييير أنا مش هقولكم عليها لأنكم أكيد عارفنها
وعلى فكرة أنا حاولت أعمل كل الكلام اللى قلت عليه ده بس ماعرفتش ياريت تعرفه أنتو تعملوه لأن صوابعك كلها مش زى بعضها